香港新浪網 MySinaBlog
« 上一篇 | 下一篇 »
Parable | 2nd Dec 2006 | 文章轉貼 | (692 Reads)

(東方) 12月 02日 星期六 03:00AM

【東方日報專訊】八十年代新聞王子梁家榮,移民彼邦後,多年前返到香港,只係偶然涉足香港電視圈,去年曾經跟內地同香港合作的電視節目上做過主持。上個月,梁家榮已靜靜雞進駐亞洲電視新聞部,好快會東山復出報新聞,同觀眾見面。

 

梁家榮入主亞視做新聞部顧問,主要係幫高級副總裁(新聞及資訊)關偉睇實個新聞部。梁家榮上月已返工,做內部培訓,每星期一至五開班一小時,教記者及編輯電視新聞編採技巧以及粵語正音。梁家榮在木人巷打滾多年,帶功講學當然受歡迎。

熱身之後,梁家榮就會坐上主播台,讀亞視六點新聞。至於邊個同梁家榮拍檔,目前仍物色緊,亞視會在二十四小時新聞果邊抽調一位主播過去幫手。始終梁家榮走成熟穩重路線,後生一輩睇怕都冇乜人識佢,仲有冇號召力都成疑問。

轉貼自:
雅虎新聞

延伸閱讀:
香港電台-傳媒透視